Kryeministri i Mbretërisë së Bashkuar do të mbërrijë këtë të enjte në Shqipëri, në prag të Samitit të Komunitetit Politik Evropian (EPC), i cili do të zhvillohet në Tiranë.
Vizita e kryeministrit britanik shënon një moment kyç në marrëdhëniet dypalëshe mes Shqipërisë dhe Mbretërisë së Bashkuar, veçanërisht në çështjet e bashkëpunimit për ndalimin e emigracionit të paligjshëm dhe luftën kundër krimit të organizuar ndërkombëtar.
Sipas njoftimit zyrtar të lëshuar nga qeveria britanike, pritet që gjatë qëndrimit të tij në Tiranë, kreu i ekzekutivit të Londrës të bëjë publike masa të reja për emigracionin e paligjshëm.
“Kryeministri do të udhëtojë për në Tiranë, Shqipëri të enjten, përpara Samitit të Komunitetit Politik Evropian të premten. Të enjten, mund ta prisni atë të njoftojë masa të mëtejshme për të ndërprerë emigrimin dhe për të goditur krimin e organizuar të imigracionit.
Të premten, mund të prisni që të ndjekë programin EPC. Udhëheqësit do të takohen fillimisht në një seancë plenare kushtuar sigurisë dhe një vizioni të përbashkët për… e ardhmja e Evropës.
Më pas do të zhvillohen tre tryeza të rrumbullakëta të nivelit të lartë rreth temave të mëposhtme: siguria dhe qëndrueshmëria demokratike e Evropës; konkurrueshmëria dhe siguria ekonomike; dhe sfidat e lëvizshmërisë dhe fuqizimin e të rinjve”, njofton qeveria angleze, raporton Top Channel.
