Sot në kryeqendrën e Maqedonisë së Veriut, po mbahet dita e dytë e samitit BE-Ballkani Perëndimor.
Në fjalën e saj, Komisionerja për Zgjerim e Bashkimit Evropian Marta Kos, pati disa fjalë edhe për kryeministrin në detyrë Albin Kurti.
Kos iu drejtua Kurtit me fjalët “ne e dimë se ju keni shpenzuar mjaft energji për t’u anëtarësuar në BE”.
Gazetarja e Klan Kosovës Arbreshë Uka, raporton nga Shkupi lidhur me zhvillimet në këtë samit.
Ajo komentoi edhe deklarimin e Komisionerës së BE-së, njofton Klankosova.tv.
“Ne e dimë që sot rastis edhe një seancë e re, një sagë e vazhdueshme kur ne nuk kemi as konstituim të Kuvendit dhe as krijim të institucioneve”, deklaroi Uka.
Kryeministri në detyrë do të jetë edhe folës në panelin e dytë.
Pjesëmarrës aty ishte paraparë të jetë edhe presidenti serb Aleksandar Vuçiq, por i cili nuk po merr pjesë.
