Java Kulturore Egjiptiane, fillon sot në Tiranë dhe zgjat deri më 12 korrik 2025, një koncept ndryshe me javë kulturore ndërkombëtare, ku shpaloset shpirti dhe tradita e Egjiptit.
Një javë e dedikuar artit dhe kulturës egjiptiane, e cila ofron një program të pasur me ngjarje që ndërthurin artin, muzikën, gastronominë dhe kinemanë egjiptiane. Në qendër të javës do të jetë vallja tradicionale Tanoura – një performancë rituale që përfaqëson lidhjen mes trupit, shpirtit dhe muzikës. Poashtu, vizitorët do të kenë mundësinë e shijimit të ushqimit me receta autentike egjiptiane, që vijnë me aromat, erëzat dhe shijet dhe e karakterizojnë këtë kuzhinë të lashtë.
Netët janë të rezervuara për kinemanë egjiptiane, me filma që eksplorojnë historitë, jetët dhe sfidat e një kulture të pasur dhe dinamike.
Festivali mbyllet më 12 korrik me shfaqjen e filmit “Diamond Dust”, në Tiranë, transmeton Klankosova.tv.
