Alban Krasniqi, bashkëshorti i deputetës së Lëvizjes Vetëvendosje (LVV), Albulena Haxhiu, kishte përdorur gjuhë kërcnuese ndaj Partisë Demokratike të Kosovës (PDK).
Deputetja e PDK-së, Blerta Deliu-Kodra, në vitin 2017-të përmes një postimi në rrjetin social Facebook kishte publikuar një mesazh të Krasniqit me gjuhë kërcënuese.
Krasniqi në mesazhin e tij i ishte drejtuar Deliut me “ Të fala kriminelëve oj plastikë”, raporton Periskopi.
“Të fala kriminelëve oj plastikë. Krejt krimet keni me i pagu deri në fund. Gjakun e shkelun përdhunimin e këtij populli që ja keni ba 18 vjey ka me ju kthu me të njejtën mondedhë. Atë që e keni ba paramilitaret në Drenicë e Kosovë e keni ba ju në Kosovë. Andaj po frikësohuni nga drejtësia që ka me ju shtyp si gjakpirës që jeni kriminele”, kishte shkruar ai.
Ajo këtë mesazh e kishte pranuar pas emisionit “Debat” në RTK.
“Pas emisionit ‘Debat’ në RTK, sot më kanosi dhe bëri publikisht një shpifje kundër meje, bashkëshorti i deputetes së VV-së, Albulena Haxhiu.Kanosja e tij ka të bëj edhe me mentalitetin diktatorial të subjektit politik të tij. Ia bëj me dije këtij kërcënuesi dhe shpifësi se unë, do t’i bëj kallëzim penal për kanosje dhe padi për shpifje, sepse unë dhe kolegët e mi, tërë jetën kemi punuar dhe vazhdojmë të punojmë për të mirën e vendit tonë dhe qytetarëve tanë”.
“Ndërkaq, Alban Krasniqi së bashku me bashkëshorten do të përballen me sistemin e drejtësisë së Republikës së Kosovës për kanosje dhe shpifje.Ne ju besojmë institucioneve tona të drejtësisë dhe në shtetin ligjor i cili duhet t’i mbrojë qytetarët nga kanosjet dhe shpifjet e tilla që vijnë nga dhunuesit e institucioneve dhe që tash sulmin duan ta bartin edhe te deputetët e Kuvendit të Republikës së Kosovës.Dua t’i garantoj qytetarët e Kosovës se asnjë kanosje, shpifje as shantazh nuk do të më ndal nga puna për të mirën e vendit tim”, (sic), ka shkruar deputetja Deliu-Kodra”,kishte shkruar Deliu.
