Kryeministri britanik Keir Starmer është duke pritur sot në Londër liderët e Bashkimit Evropian në një samit të rëndësishëm, ku në fokus janë temat kyçe si mbrojtja, tregtia, peshkimi dhe një mundësi e re për një marrëveshje lëvizshmërie për të rinjtë midis Mbretërisë së Bashkuar dhe BE-së.
Zyra e Kryeministrit në Downing Street e ka përshkruar samitin si “një mundësi” për të sjellë përfitime konkrete për qytetarët britanikë dhe ata evropianë. Burime pranë qeverisë kanë bërë të ditur këtë mëngjes se është arritur një “përparim i rëndësishëm”, megjithëse ende nuk janë zbuluar detaje mbi marrëveshjet e mundshme.
Ndërkohë, partitë opozitare kanë shfaqur skepticizëm ndaj zhvillimeve të samitit. Partia Konservatore e ka quajtur takimin një “samit dorëzimi”, ndërsa Reform UK ka paralajmëruar për një “shitje të madhe britanike”. Në anën tjetër, Liberal Demokratët e kanë quajtur samitin një “mundësi të madhe” që, sipas tyre, rrezikon të shpërdorohet.
Zhvillimet nga samiti do të ndiqen nga afër gjatë gjithë ditës nga gazetarët tanë në Londër. Qëndroni me ne për informacionet më të fundit.
