Nënkryetarja e PDK’së, Vlora Çitaku ka folur pas dështimit të seancës së 19-të për konsituimin e Kuvendit.
Çitaku ka thënë se nuk mund të suspendojnë demokracinë për shkak të tekeve të Kurtit dhe ambicieve të Haxhiut.
“Fatkeqësisht nuk kemi asgjë të re për të thënë. I bëjmë thirrje deputetit Kurtit që të reflektojë të zhbllokojë situatën në mënyrë që institucionet e Kosovës të konsituohen më shpejt. Si PDK kemi qenë të përgjegjshëm dhe do të tentojmë të bëjmë cdo gjë për të dalë nga kjo situatë.
Ne nuk mund të suspendojmë demokracinë për shkak të tekeve të Kurtit dhe ambicieve të Haxhiut”, ka deklaruar Çitaku.
