Një rasti i tentim vrasjes ka ndodhur të mërkurën në mbrëmje në fshatin Studenicё në Istog, ku një person u godit me shufër hekuri nga një tjetër, duke i shkaktuar lëndime të rënda trupore. Sherri dyshohet se plasi pas një konflikti verbal, ndërsa Policia ka ndërmarrë veprimet e nevojshme dhe ka arritur ta arrestojë personin e dyshuar.
Viktima është një i ri, i moshës rreth 33-vjeçar, ndërsa personi i dyshuar është një 23-vjeçar.
Sinjali ka mësuar ekskluzivisht se 23-vjeçari i dyshuar për këtë rast është Berat Maxharraj, i cili tashmë ndodhet nën masën e ndalimit policor.
Rasti dyshohet se ka ndodhur te shtëpia e viktimës, ku i dyshuari kishte shkuar dhe pas një mosmarrëveshje në oborrin e tij, situata ka eskaluar.
I dyshuari Maxharraj e ka goditur viktimën nё kokё me mjet tё fortё (shufёr hekuri), duke i shkaktuar plagë të rënda.
Viktima fillimisht ёshtё dёrguar me nё Spitalin Rajonal nё Pejё, e mё pas ёshtё transferuar për në QKUK.
Pas intervistimit, me urdhёr tё Prokurorit tё Shtetit, i dyshuari ёshtё dёrguar nё mbajtje pёr 48 orё.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Shpërndaje në
SONDAZH
Loading ...
