Sot rreth orës 16:53 është raportuar një zjarr në një pjesë të Qendrës Tregtare në lagjen Bregu i Diellit.
Brigada e Zjarrfikësve të Kryeqytetit ka reaguar menjëherë, duke e lokalizuar dhe vënë plotësisht nën kontroll zjarrin deri në ora 17:15.
Komuna e Prishtinës ka vlerësuar ndërhyrjen si “reagim shembullor”, duke falënderuar zjarrfikësit për profesionalizmin dhe Policinë e Kosovës për bashkëpunimin gjatë incidentit.
Fatmirësisht, nuk raportohet për të lënduar.
