Policia e Kosovës ka zhvilluar të mërkurën një aksion në Mitrovicë të Veriut, që rezultoi me konfiskimin e armëve, pajisjeve për prodhimin e kriptovalutave dhe pajisjeve tjera të dyshimta. Një person i dyshuar tashmë është identifikuar, por i njëjti akoma nuk është kapur.
Sinjalizuesi nga Veriu ka bërë me dije për Sinjalin se i dyshuari për këtë rast është Bora Tuqev, rreth 52-vjeçar.
Në lidhje me rastin, Prokurori i Shtetit ka urdhëruar inicimin e hetimit në drejtim të veprës “Mbajtja në pronësi, kontroll ose posedim i pa autorizuar të armëve”.
Mjetet e dyshuara janë gjetur pas bastisjeve në një shtëpi në rrugën “Kollashini”.
Nga Policia kanë bërë me dije se provat e konfiskuara janë:
“• Një armë e gjatë(pushkë ajrore),
• Pesë (5) Kartela Grafike për prodhimin e Kriptovalutave me pajisje përcjellëse,
• Dyzet e dy (42) minera për prodhim të Kriptovalutave me pajisje përcjellëse,
• Një (1) shtëpizë e Kompjuterit
• Një (1) karikator i revoles
• Katërmbëdhjetë (14) fishek të revoles kalibri 9 mm
• Një (1) Radiolidhje
• Një (1) kamerë vëzhgimi,
• Një (1) Divijar,
• Një (1) vulë metalike dhe
• Një (1) Letërnjoftim“.
Shpërndaje në
SONDAZH
Loading ...
