Derisa kryetari i LDK-së, Lumir Abdixhiku po insiston në një Qeveri Uniteti, një përgjigje i erdhi nga homologu i tij i PDK-së, Memli Krasniqi.
Krasniqi u shpreh i gatshëm për një qeveri të përbashkët me LDK-në, AAK-në dhe NISMA-n, transmeton klankosova.tv.
Lidhur me këtë temë, analisti Shkodran Rexhaj në emisionin “Ora Shtatë”, tha se këto bisedime në distancë po e konfirmojnë që nuk ka vullnet dhe nuk ka hapa konkret që të krijohet në bllok opozitar.
“Me deklarimet në media, opozita është e gatshme. Por nëse e masim me veprime konkrete, atëherë kjo lë shumë për të dëshiruar”, u shpreh Rexhaj.
Nga ana tjëtër, gazetari Ardian Gaxheri thotë se kanë mundur të merren iniciativa për t’u krijuar një qeveri e opozitës.
“Me gjasë nuk kanë pasur vullnet të formojnë edhe qeveri të opozitës”, tha Gaxheri.
Ndërsa gazetari Visar Dili thotë se secila parti po e tradhton njëra-tjetrën nga pak.
“Nuk e kanë problem këtë pjesë. LDK po e tradhton opozitën duke ardhur me një Qeveri Tranzicionale, PDK-në e kemi që del dhe shkon në bisedime me Vetëvendosjen, pra gjithë ka pak po e tradhtojnë njëri-tjetrin”, u shpreh Dili.
