Vietnami ka urdhëruar evakuimin e mbi 586 mijë njerëzve, pas paralajmërimeve për mbërritjen e tajfunit Kajiki.
Stuhia tashmë po shoqërohet me erëra me shpejtësi 166 km/orë, shkruan BBC, dhe pritet të forcohet më tej përpara se të arrijë në tokë herët të hënën, thanë parashikuesit e motit, transmeton Klankosova.tv.
Njerëzve nga provincat qendrore të Thanh Hoa, Quang Tri, Hue dhe Da Nang u është urdhëruar të largohen nga shtëpitë e tyre. Fluturimet janë anuluar dhe anijeve u është thënë të qëndrojnë në breg.
Stuhia po kalon pranë Hainan në Kinë, ku agjencia e motit e vendit tha se parashikoheshin deri në 320 mm (12.6 inç) shi.
