Zjarret fushore kanë prekur edhe qytetin e Prizrenit.
Gazetari korrespodent, Nuhi Salihu, për “Ora Shtatë” tha se njësiti i zjarrfikësve nga 1 korriku ka intervenuar në mbi 60 raste, transmeton Klankosova.tv.
“Fatmirësisht nuk janë më aktiv zjarret që kanë shpërthyer jo vetëm ditën e djeshme, por edhe ditëve të kaluara. Që nga 1 korriku e deri mbrëmë, njësia e zjarrfikësve në Prizren ka intervenuar në më shumë se 60 raste për të shuar zjarre fushore, dhe fatmirësisht ende nuk kemi pasur zjarre malore”, tha Salihu.
Ai shtoi se problem mbetet numri i vogël i zjarrfikësve në qytet, gjë që sipas tij pamundëson intervenimin e tyre në vendet më të komplikuara.
