Dy sulme seksuale janë rqaportuar në polici për një periudhë 24 orëshe.
Teksa njëri sulm ka ndodhur në Vushtrri të hënën rreht orës 20:30, tjetri ka ndodhur në Gjakovë, tetë orë më pas.
Një ankuese në Vushtrri, shtetase kosovare, ka raportuar se një i dyshuar e ka sulmuar fizikisht dhe ka tentuar ta sulmojë edhe seksualisht.
Policia ka arrestuar të dyshuarin, të cilin, me vendim të prokurorit, e ka dërguar në mbajtje.
Në anën tjetër, në Gjakovë, një femër ka raportuar se është sulmuar seksualisht nga një i panjohur.
Stacioni Policor në Gjakovë ka realizuar punën operative-hetimore dhe ka arritur të identifikojë të dyshuarin.
Edhe ky i fundit, është arrestuar, intervistuar dhe më pas është dërguar në mbajtje.
