Gara që u zhvillua në oborrin e Komunës së Ferizajt të dielën ishte goxha e ngushtë. Aty u zgjodh vetura më e pëlqyer nga qytetarët, organizim ky nga ”Old Timer Ferizaj”.
Këtë vit, interesimi rezultoi të jetë më i madh.
Veç veturave që ishin goxha vite të vjetra, në mesin e tyre kishte dhe meraklinjtë që i kishin dekoruar mjaft ato. Të tjerë kanë investuar në pjesët e brendshme e deri në detajet më të imëta të tyre.
Megjithatë, ferizajasit zgjodhën kampionen 5 orë më vonë. Aty fitoi vetura e vitit 1926-të, që triumfoi për nga vjetërsia dhe mirëmbajtja.
