Slagjana Pantoviq është emëruar nënkryetare e Komunës së Zveçanit të hënën.
Vendimi është nënshkruar nga kryetari i komunës, Ilir Peci.
Sipas vendimit, Pantoviq do të ushtrojë detyrën deri në përfundim të mandatit të kryetarit. Pantoviq ishte e vetmja nga komuniteti serb që garoi në zgjedhjet e jashtëzakonshme në katër komunat veriore të Kosovës më 23 prill. Ajo garoi për kryetare të Zveçanit.
Pantoviqit i ishte ofruar mbrojtje policore për shkak të kërcënimeve që mori.