Lidhja Demokratike e Kosovës e udhëhequr nga deputeti Lumir Abdixhiku, bëri të ditur se në mbledhjet e mbajtura sot, atë të kryesisë së LDK-së dhe me kryetarë të degëve është diskutuar për zhvillimet aktuale politike në vend si dhe “qëndrimet konsistente të LDK-së karshi këtyre zhvillimeve”.
Kështu u tha në një njoftim nga LDK-ja me anë të një postimi në Facebook.
“LDK mbetet e përkushtuar ndaj partneritetit të vazhdueshëm me aleatët tanë ShBA-të dhe BE-në; ndërsa mbështetja e miqve ndaj Kosovës është jetike për proceset integruese”, thuhet në kumtesën e LDK-së.