Një fabrikë në fshatin Bibaj të Ferizajt është përfshirë nga zjarri të dielën në mbrëmje.
Sipas Policisë së Kosovës , zjarri është lokalizuar nga zjarrfikësit dhe nuk raportohet për të lënduar.
Kanun Veseli, zëdhënës i Policisë për rajonin e Ferizajt ka thënë për Reporteri.net se shkaqet e zjarrit nuk dihen, por që dëmet vlerësohen të mëdha.
“Më datë 02.02.2025, rreth orës 19:10, është raportuar një incident zjarri në një fabrikë në fshatin Bibaj të Ferizajt. Patrulla policore dhe njësia zjarrfikësve kanë arritur menjëherë në vendin e ngjarjes. Për këtë rast janë njoftuar hetuesit e stacionit dhe krimteknikët”.
“Shkaqet e incidentit të zjarrit ende nuk dihen. Ndërkohë, zjarrfikësit kanë lokalizuar dhe kontrolluar zjarrin. Dëmet materiale shkaktuara nga zjarri janë të konsiderueshme, por nuk raportohen lëndime në njerëz”, ka thënë Veseli.
Shpërndaje në
SONDAZH
Loading ...
