Një aksident i rëndë ka ndodhur gjatë ditës së sotme në rrugën magjistrale Mitrovicë – Pejë, përkatësisht në fshatin Çubrel, ku kanë mbetur të vdekur tre persona dhe pesë të lënduar, katër nga ta zyrtarë policorë.
Siç raportohet në media, zyrtarët policorë që kanë mbetur të lënduar janë: Eldin Redzematovic, Aldis Vrevic Damir Eco dhe Binela Hamzic.
Lidhur me këtë, ka lëshuar një njoftim Policia e Kosovës. PK’ja ka thënë se tre nga personat që kanë humbur jetën janë persona civilë, ndërsa lëndime kanë pësuar pesë persona të tjerë, katër nga ta zyrtarë policorë.
“Sonte rreth orës 18:40, është raportuar për aksident trafiku me pasoja fatale, i cili ka ndodhur në rrugën rajonale Mitrovicë-Pejë, segmenti rrugor në fshatin Çubrel të Skenderajt.
Në këtë aksident janë përfshira dy vetura, njëra prej tyre veturë zyrtare e policisë.
Si pasojë e aksidentit, bazuar në informacionet e siguruara kanë humbur jetën tre persona civil, përderisa lëndime kanë pësuar edhe pesë persona tjerë, katër prej tyre zyrtarë policor”, njofton PK’ja.
Lidhur me rastin janë njoftuar institucionet kompetente, IPK-ja dhe Prokurori kompetent të cilët pritet të dalin në vendin e ngjarjes.
Shpërndaje në
SONDAZH
Loading ...
