Ministria e Mbrojtjes Kombëtare e Turqisë njoftoi të hënën se numri i ushtarëve të vdekur ka shkuar në 12 pas ekspozimit ndaj gazit të metanit në një shpellë në veri të Irakut, gjatë një operacioni kërkimi.
Ngjarja ndodhi gjatë një misioni për të lokalizuar trupin e një ushtari të vrarë më parë në një operacion kundër organizatës së ndaluar PKK. Fillimisht u raportua për pesë viktima, por shifrat janë rritur me vazhdimin e hetimeve dhe operacioneve të kërkimit.
Ministri i Mbrojtjes Kombëtare, Yasar Guler, vizitoi rajonin së bashku me komandantët e lartë të Forcave të Armatosura për të kryer inspektime dhe për të marrë pjesë në ceremonitë lamtumirëse për ushtarët e rënë, raportoi gazeta turke “Hurriyet”. Autoritetet vijojnë hetimet për zbardhjen e plotë të rrethanave të incidentit.
