Ministri i Jashtëm rus Sergei Lavrov lëshoi një paralajmërim për ShBA-në, Korenë e Jugut dhe Japoninë kundër formimit të një partneriteti sigurie që synon Korenë e Veriut.
“Ne paralajmërojmë kundër shfrytëzimit të këtyre lidhjeve për të ndërtuar aleanca të drejtuara kundër kujtdo, përfshirë Korenë e Veriut dhe, natyrisht, Rusisë”, u tha ai gazetarëve, sipas agjencisë shtetërore të lajmeve Tass të Rusisë.
NBC News raportoi se ShBA-ja, Koreja e Jugut dhe Japonia kanë zgjeruar ose rivendosur ushtrimet e tyre ushtarake trepalëshe në përgjigje të programit bërthamor në përparim të Koresë së Veriut.
Të tre vendet zhvilluan dje një stërvitje të përbashkët ajrore që përfshinte bombardues amerikanë me aftësi bërthamore pranë Gadishullit Korean, ndërsa oficerët e tyre të lartë ushtarakë u takuan në Seul dhe i kërkuan Koresë së Veriut të ndërpresë të gjitha aktivitetet e paligjshme që kërcënojnë sigurinë rajonale, shkruan Skynews.
