Notari amerikan Ryan Lochte thotë se ai nuk është “i njëjti person” si tre vjet më parë pasi notoi në mënyrë konkurruese për herë të parë pas një viti
Lochte 12 herë medalist olimpik, u ndalua të merrte pjesë në gara për 10 muaj në 2016 pasi pretendoi rrejshëm se ishte grabitur në drejtim të armëve gjatë Lojërave Olimpike në Rio.
Pasi garoi në Kampionatin Kombëtar të SHBA, Lochte 34 vjeç tha: “Një nga qëllimet e mia me të mëdha janë Lojërat Olimpike të vitit 2020”.
Ai kaloi gjashtë javë në rehabilitim për abuzimin me alkool në 2018 dhe thotë
se doli nga procesi “si një njeri më i mirë”. “Unë e kontrollova
veten në rehabilitim,” tha ai. “Kam bërë mësimet, kam dalë, kam bërë
gjithçka. “Jam i kënaqur që shkova në rehabilitim dhe u kontrollova pasi
më ndihmoi t’i vendosja gjërat në perspektivë në jetën time në atë që është me
të vërtetë më e rëndësishme për mua.
Lochte thote se noti aktualisht është “përparësia e tij” e dytë pasi fëmijët e tij të vegjël Caiden dhe Liv janë fokusi kryesor.
“Tani për tani nuk jam duke u përpjekur t’i provoj asgjë askujt,” tha ai. “Unë jam duke e bërë këtë për mua dhe familjen time. Një nga qëllimet e mia më të mëdha është një Olimpiadë e pestë dhe shpresoj të jem në podium atje. Unë dua t’i mësoj fëmijët e mi që nëse keni një ëndërr dhe qëllim, dhe punoni për të çdo ditë, ju mund ta realizoni ate.
“Kanë kaluar tre vjet, por është mirë të kthehesh.”
.
Shpërndaje në
SONDAZH
Loading ...
