Prokuroria Themelore në Prishtinë ka njoftuar se të martën është zhvilluar një urdhër kontroll në një lokacion në lagjen “Aktash” në Prishtinë, pasi në shkurtin e 2024-s kishte mbetur i vrarë një person si pasojë e një incidenti me armë.
Themelorja ka njoftuar se gjatë bastisjes është arrestuar një person për veprën penale “vrasje e rëndë në tentativë” dhe “mbajtje në pronësi, kontroll ose posedim i paautorizuar i armëve”.
Gjatë kontrollit, në vendin e ngjarjes është sekuestruar një pistoletë, që dyshohet se është përdorur gjatë kryerjes së veprës penale.
“Po ashtu, gjatë kontrollit në vendin e ngjarjes është gjetur dhe sekuestruar një armë zjarri e tipit pistoletë, për të cilën dyshohet se mund të jetë përdorur në kryerjen e veprës penale. Hetimet janë duke vazhduar në koordinim të plotë ndërmjet Prokurorisë dhe Policisë së Kosovës, për zbardhjen e plotë të rrethanave të kësaj ngjarje”, thuhet në njoftimin e Prokurorisë.
Një person kishte mbetur i vdekur e pesë të tjerë të plagosur pas sulmit me armë në këtë rast.
