Presidenti Donald Trump tha se ai “nuk ishte i sigurt” se marrëveshja e armëpushimit të Gazës do të zgjaste, pavarësisht se mori meritën për ndërmjetësimin e marrëveshjes midis Izraelit dhe Hamasit.
“Nuk kam besim [nëse marrëveshja zgjat]. Nuk është lufta jonë, është lufta e tyre, por nuk kam besim. Unë mendoj se ata janë shumë të dobësuar në anën tjetër”, tha Trump nga Zyra Ovale të hënën herët kur u pyet nga një gazetar nëse SHBA mund të ndihmojë në ruajtjen e armëpushimit, shkruan CNN, transmeton Gazeta Express.
“Gaza, pashë një foto të Gazës, Gaza është si një vend shkatërrimi masiv, ai vend është me të vërtetë [i shkatërruar], duhet të rindërtohet në një mënyrë tjetër”, vazhdoi Trump.
Të dy administratat Trump dhe Biden bashkëpunuan për marrëveshjen. Pas shpalljes së marrëveshjes, të dy pretenduan fitoren.
Kur u pyet se si donte që qeveria në Gaza të dukej në të ardhmen, Trump tregoi se Hamasi nuk duhet të jetë pjesë e asnjë qeverisjeje të ardhshme.
“Sigurisht që nuk mund të kesh njerëzit që ishin aty. Shumica prej tyre janë të vdekur, meqë ra fjala. Shumica prej tyre janë të vdekur. Por ata nuk e drejtuan saktësisht mirë, e drejtuan në mënyrë të egër dhe keq. Kështu që ju nuk mund ta keni këtë”, u tha ai gazetarëve.
Trump tha gjithashtu se ai “mund” të ndihmojë në rindërtimin e Gazës përpara se të fliste për “lokacionin e saj fenomenal në det”.
“Moti më i miri, e dini, gjithçka është mirë. Është sikur disa gjëra të bukura mund të bëhen me të”, tha ai.
Shpërndaje në
SONDAZH
Loading ...
