Shtëpia më e madhe e futbollit, UEFA, ka bërë të ditur se Ballkani, ndeshjen e radhës ndaj Viktoria Plzen, nuk do ta luaj në “Fadil Vokrri”, por në “Air Albania”.
Sipas UEFA-s, ndeshja nuk do të luhet në “Fadil Vokrri”, si shkak i kushteve të përkeqësuara të fushës pas ndeshjeve të fundit.
“Për shkak të kushteve të përkeqësuara të fushës pas ndeshjeve të fundit, ndeshja e ardhshme e fazës së grupeve të Conference League ndërmjet Ballkanit dhe Viktoria Plzen është zhvendosur nga stadium ‘Fadil Vokrri’ në Prishtinë, në stadiumin ‘Air Albania’ në Tiranë”, thuhet në njoftimin e UEFA-s.
Këtë ndeshje, Ballkani do ta luaj më 30 nëntor nga ora 18:45, e që është hera e parë që suharekasit nuk do ta luajnë një ndeshje ndërkombëtare në Kosovë.
Aktualisht, Ballkani është në vendin e tretë me katër pikë, aq sa ka Astana që është në vendin e dytë, dhe një pikë më shumë se Dinamo Zagrebi që është në vendin e fundit me tri pikë, kurse Plzeni është në vendin e parë me 12 pikë nga katër ndeshje./kosovalive.net
Shpërndaje në
SONDAZH
Loading ...
