Sekretari i NATO-s, Mark Rutte, në diskutim me kancelarin gjerman në ardhje, Friedrich Merz, ka theksuar rëndësinë që të investohet në mbrojtje. Rutte gjithashtu shprehet se udhëheqja e Merz do të jetë vendimtare.
Këto detaje Rutte i ka dhënë në rrjetin social “X”, nga ku shprehet që mezi pret vizitë zyrtare me Merz.
“Patëm një diskutim të mirë jozyrtar me Friedrich Merz mbi prioritetet e NATO-s sot. Është jetike që të investojmë më shumë në mbrojtje, të rrisim prodhimin e mbrojtjes dhe të vazhdojmë të mbështesim Ukrainën. Udhëheqja juaj do të jetë vendimtare. Mezi pres t’ju mirëpresim për një vizitë zyrtare në të ardhmen!”, ka shkruar Rutte.
Had a good informal discussion with @_FriedrichMerz on NATO priorities today. It’s vital that we invest more in defence, increase defence production & continue to support Ukraine. Your leadership will be crucial. Looking forward to welcoming you for an official visit in future! pic.twitter.com/v3JfhARGrr
— Mark Rutte (@SecGenNATO) March 5, 2025
