Presidenti i Shteteve të Bashkuara, Donald Trump, ka reaguar pas sulmit të dyfishtë me raketa që Rusia ndërmori ndaj qytetit Sumy në Ukrainën qendrore, duke e cilësuar veprimin si një “gabim”.
Sulmi, i cili ndodhi të shtunën, dyshohet se përfshiu përdorimin e municioneve thërrmuese me qëllim maksimizimin e viktimave dhe frikësimin e popullsisë civile.
Raketat Iskander të përdorura në këtë sulm janë të njohura për saktësinë e lartë, dhe përdorimi i dy prej tyre është interpretuar si një sinjal i qartë për qëllimin dhe keqdashjen e këtij veprimi. Sipas analistëve, ky akt synon të ndëshkojë dhe të frikësojë ukrainasit, duke ushtruar presion psikologjik mbi ta për t’u nënshtruar ndaj kërkesave ruse, ka transmetuar CNN.
Në deklaratën e tij, Trump theksoi se “Kremlini nuk duket se ka ndjerë nevojën për të pranuar një gabim, pasi përdorimi i këtyre taktikave është bërë një praktikë e zakonshme për Moskën.” Ai shtoi gjithashtu se Rusia duhet të “lëvizte”, megjithatë pa dhënë ndonjë afat të qartë apo masa konkrete, duke ngritur pikëpyetje mbi efektivitetin e politikës amerikane ndaj agresionit rus.
