Një person në Han të Elezit është arrestuar pasi gjatë kontrollit në shtëpinë e tij i janë gjetur dhe sekuestruar dy pistoleta dhe 46 fishekë.
Në raportin 24 orësh të Policisë së Kosovës bëhet e ditur se në konsultim me prokurorin i dyshuari është arrestuar dhe pas intervistimit është dërguar në mbajtje.
“Rr. Dëshmorët e Kombit, Hani i Elezit 03.05.2025 – 19:30. Njësitë policore gjatë kontrollit në shtëpinë e të dyshuarit kosovar kanë gjetur dhe sekuestruar dy pistoleta dhe 46 fishekë. Në konsultim me prokurorin i dyshuari është arrestuar dhe pas intervistimit është dërguar në mbajtje”, njofton Policia.
