Për herë të 12-të, deputetët e Kuvendit të Kosovës janë mbledhur sot për konstituimin e Kuvendit. Drama politike duket se do të vazhdojë, pasi asnjë nga partitë politike nuk ka ndryshuar qëndrim.
Në tri seancat e fundit u propozua formimi i një komisioni për votim të fshehtë të kryeparlamentarit, por nuk kaloi.
Edhe sot, Lëvizja Vetëvendosje propozoi sërish që procesi të vazhdojë me votim të fshehtë, por një komision i tillë nuk u miratua në Kuvend.
