Në Pejë kanë nisur punimet për rregullimin e rrugës “Mbretëresha Teutë”, një projekt i shumëpritur nga qytetarët që prej më shumë se dhjetë vitesh.
Në këtë rrugë tashmë është vendosur edhe një rrethrrotullim, i cili pritet të lehtësojë qarkullimin dhe të rrisë sigurinë në trafik, njofton Klankosova.tv.
Përveç rrugës, po punohet edhe në trotuaret përreth, ku po bëhet zëvendësimi i gypëzimeve dhe vendosja e dyshemeve të reja për të krijuar kushte më të përshtatshme për këmbësorët, veçanërisht për gratë shtatzëna dhe personat me nevoja të veçanta”, raporton gazetari korrespondent Valdrin Daci, në emisionin “Ora 7”, në Klan Kosova.
