Fundjava në rajonin e Pejës është karakterizuar nga një numër i lartë aksidentesh trafiku, ku për pasojë janë lënduar gjithsej tetë persona.
Të shtunën, në qytetin e Pejës, një aksident mes një motoçiklete dhe një biçiklete ka lënë të lënduar dy persona, raporton gazetari korrespondent Valdrin Daci, në emisionin “Ora 7” në Klan Kosova.
Ndërsa të dielën, dy aksidente janë raportuar në komunën e Istogut.
Një prej tyre ka ndodhur në fshatin Gurakoc, ku një vetaksident ka rezultuar me tre persona të lënduar.
Po atë ditë, një tjetër aksident është regjistruar në fshatin Dubravë, gjithashtu me tre të lënduar.
