Dhjetë burra e një grua janë arrestuar në Malishevë, pas një rrahje që ka ndodhur mes dy familjeve.
Sipas policisë, deri te rrahja ka ardhur si pasojë e një mosmarrëveshjeje, teksa në vend të ngjarjes është konfiskuar një revole me 14 fishekë.
“Me vendim të prokurorit shtatë (7) të dyshuar dërgohen në mbajtje”, thuhet në raportin 24 orësh.
Policia rastin e ka cilësuar si “armëmbajtje pa leje, Kanosje dhe Sulm”.
“Malishevë, 08.08.2024-12:00. Raportohet se pas një mosmarrëveshje janë rrahur mes veti dy familje. Lidhur me rastin janë arrestuar dhjetë (10) meshkuj kosovarë dhe një femër kosovare. Në vend të ngjarjes është gjetur dhe është konfiskuar një revole e llojit Sar me 14 fishekë. Me vendim të prokurorit shtatë (7) të dyshuar dërgohen në mbajtje”, thuhet në raportin e plotë të Policisë së Kosovës.
