Një ngjarje e dhimbshme ka tronditur kosovar në SHBA, pas humbjes së jetës së ushtarit të Gardës Kombëtare Amerikane, Fitim Nela, i cili vdiq tragjikisht pas një aksidenti rrugor.
Nela, i cili ishte pjesë e Batalionit S1 të Divizionit të Ushtrisë Amerikane, humbi jetën teksa ishte duke drejtuar motoçikletën e tij, një aksident që fatkeqësisht ia mori jetën menjëherë.
Përditësimet nga mediat e huaja njoftojnë se ngjarja ndodhi në një moment tragjik, ku jeta e një njeriu të ri, i cili ishte ende në kulmin e karrierës së tij ushtarake, u ndërpre papritur.
Në vitin 2022, Nela u promovua si pjesë e Batalionit S1, duke dhënë shpresë për një të ardhme të ndritur.
Por, këtë të premte, ai do të nderohet me një funeral që do të mbajë shenjën e dhimbjes së madhe dhe humbjes së një djaloshi të cilin të gjithë e shihnin si simbol të përkushtimit dhe atdhedashurisë.
Shoqata “Peja” në New York ka konfirmuar se ceremonia e lamtumirës për Fitim Nelën do të mbahet të premten nga ora 14:00 deri në 20:00, ndërsa varrimi do të bëhet të shtunën.
