Rastet e grabitjeve e të vjedhjeve po vazhdojnë të rriten, ndërkohë që siguria për të lëvizur edhe në hapësirat publike po rrezikohet. Ndër rastet e shpeshta të grabitjeve janë gjësendet me vlerë, si stolitë e arit, telefonat e çantat e krahut por edhe vetura që hajnat arrijnë t’i kapin nga qytetarët.
Një incident ka ndodhur ditëve të fundit në qytetin e Kaçanikut, ku një persona dyshohet se ka vjedhur një veturë BMW X-5 me targa vendore, vetura ishte parkuar në rrugën magjistrale Kaçanik-Ferizaj.
Sinjali mëson se personi i dyshuar për rastin është Pajtim Loku – tashmë i arrestuar nga Policia e Kosovës dhe po mbahet për 48 orë.
Në lidhje me rastin, në cilësinë e dëshmitarëve janë intervistuar edhe dy persona të tjerë, shtetas të huaj.
Brenda afatit ligjor, Prokuroria Themelore na Ferizaj ka ushtruar kërkesë për caktimin e masës së paraburgimit ndaj tij.
Sinjali mëson se të shtunën, është mbajtur seanca dëgjimore dhe si rezultat, gjyqtari i procedurës paraprak ia ka caktuar masën e paraburgimit në kohëzgjatje prej një muaji.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
Shpërndaje në
SONDAZH
Loading ...
