Mosmarrëveshjet mes qytetarëve shpesh herë përcillen me ofendime e kërcënime ndaj njëri-tjetrit. Madje nuk janë të rralla rastet kur ato shpërthejnë në dhunë, duke u përleshur fizikisht mes vete. Një rast i tillë ka ndodhur edhe të mërkurën në Istog, ndërsa Kosovalive ka raportuar se Policia ka arritur ta identifikojë dhe arrestojë edhe personin e dytë të dyshuar për përfshirje në këtë rast.
Kosovalive mëson ekskluzivisht se i dyshuari i dytë që u arrestua në lidhje me këtë rast është Leotrim Musliu.
Ai është intervistuar nga Policia dhe me urdhër të Prokurorit është dërguar në mbajtje për 48-orë, pasi po dyshohet për veprën penale “Pjesëmarrje në rrahje”.
Rasti fillimisht ishte iniciuar si “Vrasje në tentativë”, mirëpo pas konsultimeve me Prokuroren, vepra penale është riklasifikuar dhe aktualisht po trajtohet si “Shkaktim i rrezikut të përgjithshëm” dhe “Pjesëmarrje në rrahje”.
Organet kompetente po vazhdojnë hetimet për zbardhjen e rrethanave dhe detajeve të ngjarjes.
Kosovalive do të iu mbajë të informuar për vazhdimësinë e këtij rasti.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
