Deputeti i PDK-së, Mërgim Lushtaku i ka reaguar kryeministrin Albin Kurti për deklaratën “Fetë erdhën e shkuan”.
Ai në një reagim në Facebook, thotë se është e kundërta e asaj që pretendon Kurti, duke shtuar se në historinë e kombit shqiptar sistemet politike, ideologjitë, partitë dhe liderët kanë ardhur dhe ikur, por jo dhe Islami.
Madje ai shton se është krenar që është shqiptar dhe që është mysliman.
Postimi i tij i plotë:
Reagim politik ndaj deklaratës
“Fetë erdhën e shkuan”
Është pikërisht e kundërta e asaj që pretendon Albin Kurti. Në historinë e kombit tonë, sistemet politike, ideologjitë, partitë dhe liderët kanë ardhur dhe ikur.
Por Islami, si pjesë e pandashme e identitetit dhe kulturës së shumicës dërmuese të shqiptarëve (93%), ka mbetur një shtyllë e përhershme që i ka mbijetuar çdo sfide.
Edhe Kurti dhe ideologjia që ai përfaqëson do të jenë një faqe e përkohshme në librin e historisë sonë, ndërsa Islami do të vazhdojë të mbetet i rrënjosur në zemrat e njerëzve, si frymëzim për moralin, drejtësinë dhe qëndrueshmërinë e shoqërisë sonë.
Jam krenar që jam Shqiptar, krenar që jam Musliman, dhe krenar që jemi vëllezër me të krishterët, duke ndarë një tolerancë dhe respekt që shumë popuj e dëshirojnë. Ky është një virtyt që na bën unikë dhe na mban të bashkuar si komb!
Shpërndaje në
SONDAZH
Loading ...
