Papa Françesku ka thënë se ndihet i “mbështetur nga të gjithë njerëzit e Zotit” ndërsa vazhdon të trajtohet për pneumoni të dyfishtë.
88-vjeçari, e anashkaloi bekimin e tij javor të mesditës së të dielës për të tretën herë radhazi, duke shmangur qoftë edhe një dalje të shkurtër publike dhe duke kërkuar nga Vatikani të shpërndante një mesazh nga ai.
Në mesazh, Papa tha se po e jetonte kohën e tij në spital si një përvojë solidariteti me njerëzit që janë të sëmurë dhe vuajnë kudo dhe falënderoi mjekët për lutjet e tyre.
“Ndjej në zemrën time “bekimin” që fshihet brenda dobësisë, sepse pikërisht në këto momente mësojmë edhe më shumë të besojmë te Zoti”, tha Françesku.
“Në të njëjtën kohë, falënderoj Zotin që më dha mundësinë të ndaj në trup dhe shpirt gjendjen e kaq shumë njerëzve të sëmurë dhe të vuajtur. Dëshiroj t’ju falënderoj për lutjet, të cilat ngrihen drejt Zotit nga zemrat e kaq shumë besimtarëve nga shumë pjesë të botës. Ndjej gjithë dashurinë dhe afërsinë tuaj dhe, në këtë kohë të veçantë, ndihem sikur jam ‘i bartur’ dhe i mbështetur nga i gjithë populli i Perëndisë”.
