Drejtoresha Menaxhuese e Fondit Monetar Ndërkombëtar tha mbrëmë se tarifat e reja “paraqesin qartë një rrezik të rëndësishëm për perspektivën globale në një kohë të rritjes së ngadaltë”.
Kristalina Georgieva tha se FMN-ja ende po shqyrton “imlikimet makroekonomike” të masave dhe theksoi nevojën për të shmangur veprimet që mund të dëmtojnë më shumë ekonominë globale, raporton BBC, transmeton Klankosova.tv.
“Ne i bëjmë thirrje Shteteve të Bashkuara dhe partnerëve të tyre tregtarë që të punojnë në mënyrë konstruktive për të zgjidhur tensionet tregtare dhe për të reduktuar pasigurinë”, tha ajo.
FMN-ja është një organizatë globale me 191 vende anëtare.
