Një gjykatë turke mori vendim të dielën për burgim të kryebashkiakut të Stambollit nën dyshimet për korrupsion, duke përshkallëzuar goditjen kundër opozitës ndaj udhëheqësit të të vendit, presidentit Rexhep Tajip Erdogan.
Ekrem Imamoglu, rivali më serioz politik i Erdoganit, u arrestua në shtëpinë e tij të mërkurën vetëm disa ditë para se të regjistrohej si kandidat në zgjedhjet presidenciale të vitit 2028. Atij iu caktua masa e ndalimit në pritje të gjyqit.
Imamoglu ka mohuar akuzat kundër tij dhe kritikët thonë se arrestimi përfaqëson një pikë kthese të rrezikshme për Turqinë, e cila, pas viteve të autoritarizmit të ngadalësuar, rrezikon të bëhet një autokraci e plotë.
“Ne do ta çrrënjosim, dorë për dore, këtë goditje, këtë njollë të zezë mbi demokracinë tonë… Unë jam në këmbë, nuk do të gjunjëzohem”, tha Imamoglu në X.
Pasi dhjetëra mijëra qytetarë dolën në rrugë këtë javë për të protestuar kundër arrestimit të Imamoglu, policia turke filloi të kundërpërgjigjet, duke arrestuar më shumë se 300 protestues brenda natës së së shtunës.
Duke folur jashtë sallës së gjyqit të Stambollit të dielën, Dilek Imamoglu, gruaja e kryebashkiakut, tha se vendimi për ta burgosur atë ishte i motivuar politikisht.
Immamoglu ishte një nga 45 personat e arrestuar si pjesë e hetimit për korrupsion, përfshirë kryetarin e Beylikduzu, Mehmet Murat Calik. Më vonë, Ministria e Brendshme hoqi Imamoglun dhe Çalikin nga detyrat e tyre si kryetar bashkie.
