Albulena Haxhiu, deputetja e LVV-së, njëherësh kandidate e kësaj partie për kryetare të Kuvendit, nuk ka pranuar të ndalet para mediave në hyrje të ndërtesës së Kuvendit.
Siç raportoi gazetarja e Klan Kosovës Sala Gashi, Haxhiu është shprehur shkurt: “Qëndrimet e Vetëvendosjes janë të qarta”, duke lënë të kuptohet se ajo do të jetë sërish kandidate për drejtimin e Kuvendit.
Haxhiu 14 herë ka dështuar të zgjidhet kryetare e Kuvendit, në mungesë të votave brenda sallës plenare.
Partitë opozitare të legjislaturës së kaluar, nuk po pranojnë të votojnë pro saj, duke kërkuar ndryshimin e emrit për kryetar.
