Pakistani ka testuar me sukses një raketë balistike të tipit tokë-tokë në datën 3 maj, në një periudhë kur tensionet me Indinë janë shtuar pas një sulmi vdekjeprurës ndaj turistëve në rajonin e kontestuar të Kashmirit.
Sipas njoftimit zyrtar të ushtrisë pakistaneze, raketa me emrin “Abdali” ka një rreze veprimi prej 450 kilometrash dhe testimi kishte për qëllim të demonstrojë gatishmërinë operacionale të forcave të armatosura, si dhe të verifikojë parametrat teknikë kyç.
Ende nuk ka pasur ndonjë reagim zyrtar nga India në lidhje me këtë zhvillim.
Ndërkohë, tensionet mes dy vendeve janë rritur ndjeshëm pas sulmit të 22 prillit në qytetin turistik Pahalgam, ku mbetën të vrarë disa turistë.
India ka akuzuar Pakistanin për përfshirje në këtë sulm, akuza të cilat janë mohuar nga autoritetet pakistaneze.
