Parlamenti gjerman planifikon të mblidhet më 6 maj për të zgjedhur Friedrich Merinz si liderin e ardhshëm të vendit, nëse të gjitha partitë në qeverinë e tij të propozuar miratojnë një marrëveshje koalicioni të arritur javën e kaluar.
Dhoma e ulët e parlamentit, Bundestagu, tha të hënën se kryetarja Julia Klöckner po përgatitet të thërrasë seancën në fillim të muajit të ardhshëm.
Merz do t’i duhet një shumicë e të gjithë anëtarëve të dhomës për t’u zgjedhur si kancelar i 10-të i Gjermanisë pas Luftës së Dytë Botërore, duke pasuar Olaf Scholz. Koalicioni i propozuar i Unionit Kristian Demokrat të qendrës së djathtë; partia e saj simotër bavareze, Bashkimi Kristian Social; dhe Social Demokratët e qendrës së majtë të Scholz-it kanë një shumicë relativisht modeste, me 328 nga 630 vendet, raporton Associated Press, transmeton Klankosova.tv.
Meqenëse asnjë parti nuk dëshiron të punojë me Alternativën për Gjermaninë e ekstremit të djathtë, anti-emigracion, e cila përfundoi e dyta në zgjedhjet e Gjermanisë në shkurt, asnjë kombinim tjetër i besueshëm i partive qeverisëse nuk ka një shumicë parlamentare.
