Një çift francez janë parë duke biseduar, “të shoqëruar” edhe nga një gotë verë, ndërsa një zjarr shihet në prapavijë.
Sipas mediave të huaja, përcjell Telegrafi, pamjet, të shpërndara gjerësisht në mediat sociale, duket se tregojnë skenën romantike në Place de la Victoire në Bordeaux gjatë protestave të fundit.
Një burrë dhe një grua duken të thelluar në bisedë, vetëm herë pas here duke i hedhur një sy masës së djegur kur ajo shpërthen dhe lëshon shkëndija flakëruese.
Më vonë atyre u bashkohet një grua e re në tavolinën pranë tyre, e cila duket më e interesuar të kontrollojë telefonin e saj sesa për fatkeqësinë që ndodh përgjatë rrugës.
Bordeaux, në Francën jugperëndimore, ishte skena e një prej momenteve më dramatike në protestat e vazhdueshme kombëtare mbi reformën e pensioneve.
Demonstratat u shkaktuan nga vendimi i presidentit Emmanuel Macron për të miratuar një projekt-ligj që rrit moshën e pensionit në Francë nga 62 në 64 pa votim në parlament.
