Kryeministri i Shqipërisë Edi Rama ka zhvilluar një takim me strukturat e Partisë Socialiste në njësinë 8 në Tiranë.
Ai u shpreh se misioni i kësaj qeverie është ngritja e flamurit të Shqipërisë përkrah flamujve të tjerë të vendeve të Bashkimit Evropian
“Bëmë realitet ëndrrat e dikurshme. Të gjithë ne se bashku në emigracion ose jo, e dimë shumë mirë se çfarë do të thotë të lindësh në një vend të poshtëruar nga brenda dhe nga jashtë. Ky është momentin për të marrë hak për të gjitha dhe për t’u dhënë hakun atyre që janë akoma gjallë dhe atyre që janë fëmijë sot. Nuk mund të bëjmë gjë më të madhe për të rinjtë dhe të reja se sa ta çojmë flamurin shqiptar në rresht me flamujt e tjerë. Kjo është ngritja e dytë e flamurit dhe ne që jemi këtu, jemi ata që e kemi këtë mision”, tha ai.
