Këngëtarja e njohur shqiptare, Samanta Karavella, ka ndarë së fundmi një lajm të jashtëzakonshëm me ndjekësit e saj.
Ajo është bërë nënë për herë të parë dhe ka mirëpritur në jetën e saj një vajzë të quajtur Gia Rose.
Lajmi ka shkaktuar shumë gëzim mes fansave të saj, të cilët kanë shpërndarë urime dhe mesazhe të ngrohta për këtë moment të bukur.
Në postimin e saj emocionues, Samanta ka shprehur lumturinë e pafundme.
“E gjithë bota në krahët e mi”, ka shkruar ajo.
Këngëtarja, e cila ka qenë gjithmonë e rezervuar dhe ka preferuar që të mbajë shumë aspekte të jetës së saj personale larg vëmendjes publike, këtë herë ka zgjedhur të ndajë gëzimin e madh me ndjekësit e saj.
Muaj më parë, Samanta ka bërë publike dhe imazhin e partnerit të saj, duke konfirmuar kështu se është në një lidhje të lumtur.
