Shkëlqim Devolli, sipërmarrësi i njohur nga Kosova, po qëndron në Washington DC për të marrë pjesë në ceremoninë zyrtare të inaugurimit të Presidentit Donald Trump, ku po zhvillon një sërë takimesh me figura të rëndësishme politike.
Gjatë këtij qëndrimi, ai ka takuar kongresistët republikanë Jason Smith nga Missouri dhe Bryan Steil nga Wisconsin. Po ashtu, Devolli ka pasur një takim me ish-guvernatorin e Mississippit, Haley Barbour.
Në këto biseda, tema kryesore ka qenë politika dhe ekonomia, me fokus në marrëdhëniet mes Kosovës dhe Shteteve të Bashkuara. Devolli, aksionari i Devolli Corporation, ka informuar zyrtarët amerikanë mbi situatën në Kosovë, sidomos në kontekstin e zgjedhjeve parlamentare që do të mbahen më 9 shkurt.
Ai do të jetë pjesë e një auditori të gjerë në ceremoninë e betimit solemn të Presidentit Trump, ku pritet të jenë të pranishëm ish-presidentë amerikanë, kongresistë, senatorë, si dhe liderë politikë dhe të biznesit nga e gjithë bota.
Shpërndaje në
SONDAZH
Loading ...
