Propozimi që brenda Shqipërisë të ketë një shtet bektashian, përkrahet nga vetë ky komunitet, por kundërshtohet nga pozicione të tjera.
Ky propozim i bërë nga kryeministri Edi Rama është parë si një lëvizje ekonomike nga ana e tij.
“Nuk mendoj se ky interes ekonomik do te arsyetohej dhe do t’ia vlente nëse ndërmerret ky veprim. Për shembull për mua si historian do të ishte më e udhës që të punohet në prezantimin e asaj çka është sot. Ne e dimë që kryegjyshata është e vendosur aty dhe në këtë kuptim ne nuk duhet ta fitojmë si popull dhe si shtet një identitet të caktuar fetar…”, thotë për MAT profesori universitar i historisë, Muhamet Mala.
Ndërkaq në kuptimin e idesë që shteti bektashi dhe Shqipëria të kthehen në një vend pelegrinazhi, hoxha Bahri Sejdiu ka dilema.
“Po ndoshta kish me qenë kjo e dobishme nëse do të ishin në numër i madh i bektashive në botë që të vinë pelegrinë ose nëse e kanë shikuar interesin ekonomik. Kjo nuk mund të ndodhë sepse ata janë pak në numër”, vijon tutje ai.
Hapësira që në të cilën do të operojë shteti bektashian do të jetë pak mbi 10 hektarëshe.
