Qytetarët kanë reaguar ashpër ndaj propozimit të Zyrës së Rregullatorit të Energjisë për rritjen e tarifave të rrymës me 15 për qind.
Një numër i madh i tyre iu bashkua iniciativës së organizatorit Luan Hasanaj, i cili ka nisur një kundërshtim publik përmes grupit “Jo rritjes së çmimit të energjisë elektrike në Kosovë! #AsnjëCentMëShumë”, i krijuar menjëherë pas publikimit të lajmit për shtrenjtimin e rrymës.
Hasanaj, në një intervistë në Klan Kosova, bëri të ditur se vetëm brenda dy ditësh grupi ka mbledhur mbi 1 mijë persona dhe shtoi se protesta nuk do të ndalet me kaq.
“Nëse shohim se nuk do të ketë reflektim, sigurisht se është e pashmangshme një proteste sa më e madhe për kundërshtimin e këtij shtrenjtimi”, u shpreh ai.
Për detaje, ndiqni videon vijuese:
