Kur presidenti i ShBA-së Donald Trump goditi Kinën me tarifa në mandatin e tij të parë, sipërmarrësi vietnamez Hao Le pa një mundësi. Kompania e tij është një nga qindra bizneset që janë shfaqur për të konkurruar me eksportet kineze që janë përballur gjithnjë e më shumë me kufizime nga Perëndimi, raporton BBC, transmeton Klan Kosova.
Le’s SHDC Electronics, e cila ndodhet në qendrën industriale të Hai Duong, shet 2 milion dollarë pajisje telefoni dhe kompjuteri çdo muaj në Shtetet e Bashkuara të Amerikës. Por këto të ardhura mund të “thahen” nëse Trumpi vendos tarifa 46% për mallrat vietnameze, plan ky që aktualisht është në pritje deri në fillim të korrikut.
Kjo do të ishte “katastrofike për biznesin tonë”, thotë Le. Dhe shitja për konsumatorët vietnamezë nuk është opsion, shton ai: “Ne nuk mund të konkurrojmë me produktet kineze. Kjo nuk është vetëm sfida jonë. Shumë kompani vietnameze janë duke luftuar në tregun e tyre vendas”.
Tarifat e Trumpit në 2016 dërguan një tepricë të importeve të lira kineze, të destinuara fillimisht për ShBA-në, në Azinë Juglindore, duke dëmtuar shumë prodhues vendas. Por ata gjithashtu hapën dyer të reja për bizneset e tjera, shpesh në zinxhirët globalë të furnizimit që donin të shkurtonin varësinë e tyre nga Kina.
Por Trump 2.0 kërcënon t’i mbyllë ato dyer, të cilat ai i sheh si një zbrazëti të papranueshme. Dhe kjo është një goditje për ekonomitë me rritje të shpejtë si Vietnami dhe Indonezia, të cilat po synojnë të jenë aktorë kryesorë në industri, nga çipat tek automjetet elektrike.
