Zyrtarët turq kanë konfirmuar se të premten do të zhvillohen dy takime trepalëshe në përpjekje për të gjetur një zgjidhje diplomatike për luftën në Ukrainë.
Takimi i parë do të zhvillohet në orën 09:45 (sipas kohës lokale) dhe do të përfshijë Turqinë, SHBA-në dhe Ukrainën, sipas reuters.
Ndërsa takimi i dytë, më i rëndësishmi i ditës, është planifikuar për orën 11:30 dhe do të sjellë delegacionet e Turqisë, Rusisë dhe Ukrainës përballë njëra-tjetrës në bisedime direkte.
Delegacioni ukrainas do të udhëhiqet nga ministri i mbrojtjes, Rustem Umerov, ndërsa pala ruse do të përfaqësohet nga Vladimir Medinsky, asistenti i presidentit Vladimir Putin.
