Ushtruesi i Detyrës së Prokurorit të Specializuar mirëpret vendimin e Panelit të Gjykatës së Apelit ndaj Hysni Gucatit dhe Nasim Haradinajt.
Alex Whiting ripërsërit angazhimin e Zyrës së Prokurorit të Specializuar për të ndjekur penalisht rastet e frikësimit të dëshmitarëve.
“Unë e mirëpres aktgjykimin e sotëm nga Paneli i Gjykatës së Apelit të Dhomave të Specializuara që përforcon sundimin e ligjit në Kosovë dhe i dërgon një mesazh të qartë kujtdo që përfshihet në frikësimin e dëshmitarëve, hakmarrjen ndaj dëshmitarëve dhe pengimin e drejtësisë,” tha Ushtruesi i Detyrës së Prokurorit të Specializuar.
“ZPS-ja i merr këto krime jashtëzakonisht seriozisht dhe do të vazhdojë të hetojë dhe ndjekë penalisht këdo dhe të gjithë ata që përfshihen në këtë akt në çdo rast.”
Ushtruesi i Detyrës së Prokurorit të Specializuar deklaron se kjo çështje gjyqësore lidhet me kushtet që kërkohen për administrimin siç duhet të drejtësisë dhe çfarë është e nevojshme për ta bërë sundimin e ligjit realitet.
“Dëshmitarët duhet të kenë mundësinë të dëshmojnë pa pasur frikë nga hakmarrja dhe shpagimi”, tha Whiting.
Hysni Gucatit e Nasim Haradinajt, Gjykata e Apelit të Dhomave të Specializuara të Kosovës në Hagë, ua ka ulur për tre muaj dënimin me burg.
Nga 4 vjet e gjysmë sa ishin dënuar secili, në 4 vjet e tre muaj. Paneli ka konfirmuar shumicën e pikave të aktgjykimit të shkallës së parë kurse ka mbetur në fuqi gjoba prej 100 eurove për secilin.
Shpërndaje në
SONDAZH
Loading ...
